ՏԵՍԱՆՅՈՒԹ. Սա է Ակադեմիական քաղաքի հիմնական գաղափարը. Փաշինյան

Այսօր Երևանի կենտրոնը Հայաստանի բոլոր իրադարձությունների կիզակետն է` տնտեսական, քաղաքական, սոցիալական, իրավական։ Այս մասին հայտնել է ՀՀ վարչապետ Նիկոլ Փաշինյանը` ներկայացնելով «Ակադեմիական քաղաք» նախագծի կրթական կլաստերի ձևավորման և բովանդակության նկարագիրը:

«Մենք բերել ենք, կրթական պրոցեսի մեջ դրել ենք ամեն ինչ, հնարավոր չէ կրթական պրոցեսի վրա կենտրոնանալ։ Մենք ուզում ենք պրոֆեսորադասախոսական կազմի և ուսանողների համար ստեղծել մի կրթական «սենյակ», որտեղ նրանք կարող են կենտրոնանալ իրենց նյութի վրա, և տնտեսական, քաղաքական ու սոցիալական աղմուկները չազդեն նրանց վրա»,– ասել է նա։

Ինչ վերաբերում է  «Ակադեմիական քաղաք» նախագծին` Նիկոլ Փաշինյանը հավելել է.

«Մենք ուզում ենք համոզված լինել, որ մեր առաջարկած կրթությունը միջազգայնորեն մրցունակ է, որովհետև, երբ մեր միջազգային ուսանողների թիվն ավելանա, դա մեզ համար ազդակ կլինի, որ այս կրթությունը հետաքրքիր է ոչ միայն մեզ, այլև ուրիշներին։ Ահա, սա է Ակադեմիական քաղաքի հիմնական գաղափարը»։