Թրամփը կկազմալուծի FBI-ը. Ռամասվամի

Պետական կառավարման արդյունավետության նոր դեպարտամենտը (DODGE), որն իր վարչակազմում կստեղծի ԱՄՆ նորընտիր նախագահ Դոնալդ Թրամփը, կազմալուծում է դաշնային գործակալությունների մի մասը: Այս մասին հայտարարել է գործարար Վիվեկ Ռամասվամին, որը գերատեսչության ղեկավար է նշանակվել Իլոն Մասկի հետ միասին:

Ռամասվամին, որը Մասկի հետ կգլխավորի պետական կառավարման արդյունավետության դեպարտամենտը, խոստացել է կրճատումներ անել «ուռճացված» տարածքներում և գերատեսչությունները վերացնել: Ավելի վաղ նա առաջարկել էր վերացնել ՀԴԲ-ն (FBI), հարկային ծառայությունը և կրթության նախարարությունը:

«Մենք ակնկալում ենք, որ որոշ գործակալություններ ամբողջությամբ կվերացվեն»,-ասել է Ռամասվամին Fox News հեռուստաալիքի Sunday Morning Futures հաղորդման եթերում:

Նա նշել է, որ այժմ տեղի են ունենում «հսկայական վատնումներ, խարդախություններ և չարաշահումներ» կապալառուները, ըստ Ռամասվամիի, «շահագործում են դաշնային կառավարությունը»:

Վերջինս հավելեց, որ ակնկալում է զանգվածային կրճատումներ դաշնային կառավարության գործունեության «ուռճացված» ոլորտներում, դաշնային կապալառուների շրջանում և բոլոր նրանց, ովքեր ամերիկյան վարչակազմին ծառայությունների համար ուռճացված հաշիվներ են ներկայացնում:

Կոնկրետ կապալառուների, որոնցից առաջարկվում է հրաժարվել, վարչության համաղեկավարը չի նշել: