ՏԵՍԱՆՅՈՒԹ․ Ձմեռը սպասվածից շատ շուտ եկավ, իսկ բերքը դեռ չի հավաքվել․ Սոթք
Սոթքում ձմեռը սպասվածից շատ շուտ եկավ: Այս մասին ֆեյսբուքյան իր էջում հայտնել է Սոթքի համայնքապետ Սևակ Խաչատրյանը։
«Առաջին ձյունն է այսօր տեղացել: Բայց գյուղացիների մեծ մասը դեռ չի հասցրել բերքը հավաքել, մոտ 150 հա կարտոֆիլ դեռ հողի տակ է, իսկ դա մարդկանց տարվա եկամուտն է, ապրուստի միջոցը»,- գրել է նա։
Հիշեցնենք, որ այսօր Հայաստանի առանձին շրջաններում սպասվում են կարճատև տեղումներ, լեռնային գոտիներում` ձյան տեսքով:
