Լեհաստանում բացահայտվել է ռուսամետ հաքերային ցանց, որն աշխատում էր երկիրը ապակայունացնելու համար
Լեհաստանում բացահայտվել է ռուսամետ հաքերային ցանց, որն աշխատում էր երկիրը ապակայունացնելու համար: Հաքերների խումբը, որը գործում է ի շահ Ռուսաստանի և Բելառուսի հետախուզական ծառայությունների, ծրագրել է կիբերհարձակումներ Լեհաստանի իշխանությունների և պետական ընկերությունների վրա, հայտարարել է երկրի թվայնացման նախարար Քշիշտոֆ Գավկովսկին, գրում է NEXTA–ն:
Նշվում է, որ նրանց նպատակը տեղեկատվության կորզումն էր, շանտաժը և կիբերպատերազմը։
Նախարարի խոսքով՝ կիբեր դիվերսանտները «ներթափանցել են տեղական և կենտրոնական կառավարման հաստատություններ, այդ թվում՝ ռազմական պայմանագրեր իրականացնող պետական ընկերություններ»։ Նրանց գործառնական նպատակը՝ շանտաժի նպատակով տվյալների գողություն, խափանվեց։
