Նեթանյահուն խնդրոլ է ուժեղացնել որդու անվտանգությունը
Իսրայելի վարչապետ Բենիամին Նեթանյահուն խնդրել է ուժեղացնել Մայամիում ապրող որդու՝ Յաիրի պաշտպանությունը, քանի որ կարծում է, որ նա կարող է դառնալ «Իրանի թիրախը»: Այս մասին գրում է The Times of Israel-ը։
Ինչպես հայտնում է պարբերականը, Նեթանյահուն խնդրել է որդու պաշտպանությունն ուժեղացնել այն տեղեկությունների ֆոնին, որ Իրանը կարող է փորձել մահափորձ կատարել արտասահմանում գտնվող իսրայելցիների դեմ՝ ի պատասխան Թեհրանում ՀԱՄԱՍ պաղեստինյան շարժման քաղբյուրոյի ղեկավար Իսմայիլ Հանիեի սպանության։
Թերթի փոխանցմամբ՝ խնդրանքն ուղարկվել է հատուկ ծառայություններին։
