«Նախագահի աշխատակազմում մենք ոչ մի մեսենջեր չենք օգտագործում պաշտոնական նպատակներով». Պեսկովը տելեգրամի մասին

Նախագահի մամուլի քարտուղար Դմիտրի Պեսկովը ճեպազրույցում ասել է, որ Կրեմլի վարչակազմը չի օգտագործում մեսենջերներ, այդ թվում՝ Telegram-ը, պաշտոնական նպատակներով։

Նրան հարցրել են, թե արդյոք Կրեմլի պաշտոնյաներին խնդրել են «մաքրել» նամակագրությունը Telegram-ում Պավել Դուրովին Ֆրանսիայում կալանավորելուց հետո:

Պեսկովը պատասխանել է.

«Քաղաքացիական ծառայողները, տեսականորեն, չպետք է օգտագործեն մեսենջերները տեղեկատվական անվտանգության տեսանկյունից, և ոչ էլ Telegram-ը: Նախագահի աշխատակազմում մենք ոչ մի մեսենջեր չենք օգտագործում պաշտոնական նպատակներով»,- վստահեցրել է նա։

Նրա խոսքով՝ մեսենջերների օգտագործումը պաշտոնական նպատակներով «կլինի պաշտոնական կանոնների և պաշտոնական էթիկայի խախտում»։

«Հետևաբար, բնականաբար, ոչ ոք որևէ մեկին որևէ բան մաքրելու կոչ չի անում»,- հավելել է Պեսկովը։