Հայտնի է թե ինչ պաշտոն կտա Թրամփը` նախագահական մրցավազքը լքած, Քենեդիին

ԱՄՆ նախագահի թեկնածու Դոնալդ Թրամփն իր անցումային թիմի կազմում ընդգրկել է Ռոբերտ Քենեդի կրտսերին, որը մինչ այդ դուրս էր եկել ընտրություններից, հայտնում է CNBC հեռուստաալիքը։

Անցումային թիմում ընդգրկվել է նաև Թուլսի Գաբարդը՝ Կոնգրեսի Ներկայացուցիչների պալատի նախկին անդամ Հավայան նահանգից: Թիմը կադրային և քաղաքական որոշումներ կկայացնի, եթե Թրամփը հաղթի նոյեմբերին կայանալիք նախագահական ընտրություններում:

Հիշեցնենք՝ օգոստոսի 23-ին Քենեդի կրտսերը պաշտոնապես լքեց նախագահական մրցավազքը և կոչ արեց քվեարկել Թրամփի օգտին: Ելույթի շրջանակներում նա նշել է երեք հիմնական պատճառ, որոնք դրդել են իրեն դուրս գալ Դեմոկրատական կուսակցությունից և աջակցել Թրամփին՝ Ուկրաինայի հակամարտությունը, խոսքի ազատության սահմանափակումը և երեխաների դեմ «պատերազմը»: