Ամերիկացիները նոր գունավոր հեղափոխություն են պատրաստում Վրաստանում. ՌԴ ԱՀԾ

Ամերիկացիները խիստ դժգոհ են Վրաստանում հոկտեմբերի 26-ի խորհրդարանական ընտրությունների նախաշեմի զարգացումներից և երկրում «գունավոր հեղափոխություն» են պատրաստում․ հաղորդում է ՌԴ արտաքին հետախուզության ծառայությունը:

Ռուսաստանի արտաքին հետախուզության ծառայությունը հայտնել է, որ Սպիտակ տանը խիստ դժգոհ են Վրաստանի խորհրդարանական ընտրությունների նախաշեմին ստեղծված իրավիճակից։

«Վրաստանի ընդդիմադիր ուժերը, չնայած ամերիկացիների ջանքերին, մնում են մասնատված, իսկ նրանց ստեղծած կոալիցիաները՝ շատ փխրուն»․ նշել են ծառայությունում․ «Այդ կապակցությամբ ԱՄՆ-ն մտադիր է ընտրություններից առաջ մնացած շաբաթներին լայնածավալ մեծացնել ճնշումը Վրաստանի իշխանությունների վրա, որպեսզի առավելագույնս թուլացնի իշխող «Վրացական երազանքի» էլեկտորալ դիրքերը։

Բացի այդ, թբիլիսյան «մայդանում» նախատեսվում է հրապարակել քվեարկության ժամանակ կեղծիքների ապացույցները, հայտարարել ընտրությունների արդյունքները չճանաչելու մասին և պահանջել իշխանափոխություն»: