Հազարավոր թղթե ինքնաթիռներ հայտնվել են Ֆրանսիայի հյուպատոսության դիմաց. ակցիա ի աջակցություն տելեգրամի հիմնադրի
Սանկտ Պետերբուրգում «Նոր մարդիկ» կուսակցության կողմնակիցները ցույց են անցկացրել Ֆրանսիայի հյուպատոսության մոտ՝ պահանջելով ազատ արձակել Փարիզում ձերբակալված գործարար, Telegram-ի ստեղծող Պավել Դուրովին, գրում է Коммерсантъ-ը։
Ակցիայի մասնակիցներին մեսենջերի տարբերանշանին նմանվող թղթե ինքնաթիռներ են բաժանվել։ Հավաքին մոտ քսան հոգի էր եկել՝ չհաշված լրագրողներին։
Կուսակցության անդամները թղթե ինքնաթիռները կպցրել են դռանը և «Ազատություն Պավել Դուրովին», «Ձեռքներդ հեռու Տելեգրամից», «Ասանժ, Սնոուդեն, Դուրով» կարգախոսներ վանկարկել։
Մեկնարկից 20 րոպե անց ոստիկաններ են ժամանել և ստուգել միջոցառման համաձայնեցված լինելը։ Իրավապահները բացատրություն են պահանջել ակցիայի կազմակերպիչ Դանիիլ Մախնիցկիից։ Ոչ ոք չի ձերբակալվել։
