Դամասկոսի և Անկարայի մերձեցման հարցում առաջընթաց չկա. Ասադ

Միջնորդները՝ ի դեմս Ռուսաստանի, Իրանի և Իրաքի, անկեղծ փորձեր են արել հաշտեցնել Սիրիային և Թուրքիային, սակայն այս նախաձեռնության հարցում առաջընթաց չկա, հայտարարել է Սիրիայի Արաբական Հանրապետության նախագահ Բաշար ալ-Ասադը՝ ելույթ ունենալով Ժողովրդական խորհրդի նոր գումարմանը։

Սիրիայի ղեկավարը նշել է, որ երբ պայմանավորվածությունները ձեռք են բերվում, դրանք հայտարարվում են համատեղ հայտարարությամբ, որը դառնում է համատեղ հարաբերությունների հիմքը և ներառում է բանակցություններ՝ մերժելով կողմերից որևէ մեկի կողմից երկակի ստանդարտների կիրառումը։

«Թուրքիայի հայտարարություններն այն մասին, որ Սիրիան պատրաստ չէ բանակցություններին մինչև Սիրիայի տարածքից թուրքական ուժերի դուրս բերելը, ճիշտ չեն, կարևոր է, որ մենք ունենք հստակ փուլեր, և ցանկացած նախաձեռնության հիմքը պետք է լինի ինքնիշխանությունը»,-ասել է Ասադը։