Բլինքենը Մերձավոր Արևելք կատարած այցի շրջանակներում ժամանել է Թել Ավիվ
ԱՄՆ պետքարտուղար Էնթոնի Բլինքենն այցով Իսրայել է ժամանել՝ հրադադարի և Գազայի հատվածում պատանդների ազատ արձակման շուրջ կայանալիք բանակցություններից առաջ։ Նա օգոստոսի 19-ին կհանդիպի Իսրայելի վարչապետ Բենիամին Նեթանյահուի, պաշտպանության նախարար Յոավ Գալանտի և նախագահ Իսահակ Հերցոգի հետ:
Պաշտոնյան այս բանակություններն անվանել է «հավանաբար լավագույն, գուցե վերջին հնարավորությունը» և կոչ արել բոլոր կողմերին հասնել համաձայնության: Օգոստոսի 20-ին Բլինքենը կմեկնի Եգիպտոս:
