Հայտնի, թո ով է Իրանի ԱԳՆ նոր ղեկավարը
Իրանի ԱԳՆ նոր ղեկավար Է դարձել Աբաս Արաղչին, նրա թեկնածությունը հաստատել է երկրի խորհրդարանը: Մասուդ Փեզեշքիանի՝ նախագահ ընտրվելուց հետո Արաղչին նրա խորհրդականն էր՝ արտաքին քաղաքականության գծով։
Գերատեսչության նոր ղեկավարը նախկինում նախարարի տեղակալն էր, նա զգալի դերակատարում է ունեցել 2015 թվականին միջուկային գործարքի կնքման գործում։
Որպես ԻԻՀ նախագահի հատուկ բանագնաց՝ նա 2020 թվականի հոկտեմբերին, Լեռնային Ղարաբաղի 44-օրյա պատերազմի ամենաթեժ պահին եղել է Հայաստանում, Ռուսաստանում, Ադրբեջանում և Թուրքիայում՝ հակամարտության կարգավորման տարբերակները քննարկելու նպատակով։
Հշեցնենք` Իրանի նախագահ Էբրահիմ Ռայիսիին և արտգործնախարար Հոսեյն Ամիր Աբդոլլահիանին տեղափոխող ուղղաթիռը կործանվել էր մայիսի 19-ին երկրի հյուսիս-արևմուտքում՝ Վերզեգանի շրջանում: Բարձրաստիճան պաշտոնյաները վերադառնում էին Արաքս գետի վրա հիդրոհանգույցների բացման արարողությունից, որին մասնակցում էր Ադրբեջանի նախագահ Իլհամ Ալիևը:
Հուլիսի 5–ին Իրանի նախագահ ընտրվեց ասուդ Փեզեշքիանին։
