Վերին Լարսում ավելի քան 3 հազար բեռնատարներ սպասում են դեպի Վրաստան մուտքին

Ավելի քան 3 հազար բեռնատարներ սպասում են Վերին Լարս անցակետում։ Այս մասին ասվում է Հյուսիսային Օսիայի երթևեկության կառավարման կենտրոնի կայքում տեղադրված տեղեկատվության մեջ։

Ներկա պահին վրաց-ռուսական սահման տանող ճանապարհի երթևեկությունը բաց է բոլոր տեսակի ավտոմեքենաների համար։ Սակայն Ռուսաստանի տարածքում կցասայլերի հերթ է գոյացել Վերին Լարսի մաքսակետում կայանատեղերի բացակայության պատճառով։

Ընդհանուր առմամբ, հինգշաբթի ժամը 17:00-ն ռուսական կողմից Վրաստան մուտք գործելուն սպասում էր 3159 բեռնատար։