ԱՄՆ-ն գործընկերների միջոցով դիմել է Իրանին

Միացյալ Նահանգների վարչակազմը դիմել է Իրանին ուղղակիորեն և գործընկերների միջոցով, որպեսզի Թեհրանը հրաժարվի Իսրայելի վրա հարձակումից և Մերձավոր Արևելքում իրավիճակի հետագա սրումից։ Այս մասին լրագրողների համար հերթական առցանց ճեպազրույցում հայտարարել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։

Մեկնաբանելով Իսրայելի վրա Իրանի հնարավոր հարձակումը՝ նա ասել է.

«Մենք Իրանի հետ կապ ենք հաստատել մեր գործընկերների միջոցով, ովքեր անմիջական դիվանագիտական ​​հարաբերություններ ունեն Իրանի հետ: Եվ, իհարկե, մենք ունենք դա անելու մեր սեփական ուղիները այլ միջոցներով։ Մենք կցանկանայինք կանխել Իրանի հարձակումը»:

Իսրայելի վրա հարձակվելու վերաբերյալ Իրանի հռետորաբանությանը պետք է լուրջ վերաբերվել, ասել է նա:

«Մենք գիտենք, որ Իրանը որոշակի նախապատրաստություններ է արել: Մենք կարծում ենք, որ եթե նրանք որոշեն հարձակվել, նրանք կկարողանան դա անել առանց նախազգուշացման, և դա կարող է տեղի ունենալ շատ շուտով։ Մենք, իհարկե, կցանկանայինք կանխել նման հետևանքը, ուստի մենք մասնակցում և շարունակում ենք մասնակցել բավականին ինտենսիվ դիվանագիտական ​​աշխատանքին, որպեսզի իրավիճակը չսրվի», – հավելել է Քիրբին: