Նեթանյահուն հաստատել է Գազայի հատվածում բանակցությունների համար Դոհա պատվիրակություն ուղարկելը
Իսրայելի ներկայացուցիչները օգոստոսի 15-ին կգնան Գազայի հատվածում իրավիճակի կարգավորման շուրջ բանակցությունների։ Պատվիրակություն ուղարկելու որոշումը հաստատել է հրեական պետության կառավարության ղեկավար Բենիամին Նեթանյահուն, հայտնել են նրա գրասենյակից։ Այս մասին գրում է ТАСС-ը:
«Վարչապետ Բենիամին Նեթանյահուն հավանություն է տվել իսրայելական պատվիրակության՝ օգոստոսի 15-ին կայանալիք այցին Դոհա և բանակցությունների մանդատին»,- ասվում է հայտարարության մեջ։
Ավելի վաղ Իսրայելի կաբինետի խոսնակ Դեյվիդ Մենսերը միջազգային մամուլի համար ճեպազրույցում հայտնել էր, որ երկիրը պատվիրակություն կուղարկի օգոստոսի 15-ին Գազայի հատվածում իրավիճակի կարգավորման համար նախատեսված բանակցություններին՝ անկախ պաղեստինյան արմատական ՀԱՄԱՍ շարժման ներկայության մասին որոշումից։ Նրա խոսքով՝ Իսրայելը «վճռական է ապահովելու, որ այդ բանակցությունները հաջողությամբ պսակվեն»։
