Գերմանիայում ՆԱՏՕ-ի ավիաբազան փակվել է հնարավոր դիվերսիայի պատճառով
Գերմանիայի արևմուտքում գտնվող Գայլենկիրխեն քաղաքի ավիաբազան փակվել է հնարավոր դիվերսիայի պատճառով։ Այս մասին այսօր հայտնել է Süddeutsche Zeitung թերթը՝ վկայակոչելով տարածքային հրամանատարության ներկայացուցչին։
Ավելի վաղ Գերմանիայի պաշտպանության նախարարությունը հայտնել էր, որ Քյոլնի ավիաբազայի զորանոց են մտել անհայտ անձինք, դիվերսիայի կասկած կա:
Պարբերականը նշում է, որ այդ դեպքից հետո որոշում է կայացվել Գայլենկիրխենի զորանոցները փակելու մասին։ Բացի այդ, իշխանություններն այս պահին հետաքննում են խմելու ջրի հնարավոր աղտոտումը։ Չհաստատված տեղեկությունների համաձայն՝ դիվերսիայի կասկածներն ուժեղացել են Քյոլնում զորանոցների փակման հետ կապված։
Ընդ որում, ավելի ուշ ՆԱՏՕ-ում հերքել են Գայլենկիրխենի ավիաբազայի փակման մասին տեղեկությունը։ Դաշինքում հայտարարել են, որ այն երբեք շրջափակված չի եղել, նշում է Газета.Ru պարբերականը:
