Պատերազմի սկսվելուց հետո ավելի քան երկու միլիարդ դոլարի արտարժույթ է ներմուծվել Ռուսաստան՝ շրջանցելով պատժամիջոցները
Պատերազմի սկզբից ի վեր մոտ 2,3 միլիարդ դոլարի ամերիկյան և եվրոպական թղթադրամներ են ներմուծվել Ռուսաստան, ցույց են տալիս մաքսային տվյալները: Հայտնում է Reuters-ը։
Մինչ պատերազմը Ռուսաստանը շատ ավելի շատ արտարժույթ էր ներմուծում։ Ներմուծման ամենամեծ աճը տեղի է ունեցել ռուսական զորքերի Ուկրաինա ներխուժումից անմիջապես առաջ՝ 2021 թվականի նոյեմբերից մինչև 2022 թվականի փետրվարը Ռուսաստան է ներմուծվել 18,9 միլիարդ դոլարի թղթադրամներ։
2022 թվականի մարտին ԱՄՆ-ն և ԵՄ-ն արգելեցին իրենց արժույթների արտահանումը Ռուսաստան։ Reuters-ի կողմից վերանայված 2022 թվականի մարտից մինչև 2023 թվականի դեկտեմբեր մաքսային տվյալները ցույց են տալիս, որ այդ ժամանակահատվածում կանխիկ գումար է ներմուծվել այն երկրներից, որոնք սահմանափակումներ չեն դրել Ռուսաստանի հետ առևտրի վրա, ինչպիսիք են ԱՄԷ-ն և Թուրքիան: Ընդ որում, դեպքերի կեսից ավելին մաքսային գրառումներում նշված չի եղել գումարի ծագման երկիրը:
Նույն ժամանակահատվածում Ռուսաստանից շատ ավելի քիչ է արտահանվել՝ մոտ 98 մլն դոլար թղթադրամներով, ըստ մաքսային տվյալների։
