Եթե հարցում անենք՝ մեր ուժի վարկանիշը կլինի 17%, ընդդիմադիր շարժմանը՝ 2%․ Հովիկ Աղազարյան
ԱԺ «Քաղաքացիական պայմանագիր» խմբակցության պատգամավոր Հովիկ Աղազարյանն ընդունում է, որ իշխանությունից դժգոհություններ կան, բայց չի կարծում, որ ընդդիմությունը կկարողանա կոնսոլիդացնել հանրության դժգոհ զանգվածին։
Այս մասին Աղազարյանն ասել է Armlur.am-ին տված հարցազրույցում։
-Պարո՛ն Աղազարյան, ընդդիմադիր «Տավուշը հանուն հայրենիքի» շարժման առաջանորդ Բագրատ Սրբազանը հայտարարել է, որ սեպտեմբերից վերսկսելու են հանրահավաքները և ակցիաները՝ իշխանության հեռացման պահանջով։
Ի՞նչ կասեք, մտավախություն չունե՞ք, որ այս անգամ շարժումը կհաջողի ու կհեռացնի Ձեր քաղաքական ուժին իշխանությունից։
-Ես մտավախություններ չունեմ, անհանգստություն ունեմ, որ փաստորեն մեզ մոտ ընդդիմությունը չի կայանում, բայց չեմ կարծում, որ իրենք ինչ-որ բանի կհասնեն, քանի որ իրենք խնդիրների լուծման մոտեցումներ չունեն։
Բագրատ Գալստանյանը լավագույն դեպքում սեպտեմբերին կարողանա համոզել, որ ազատվել է նախկին նախագահների առանցքի շուրջ հավաքաված անհատներից ու քաղաքական ուժերից և պատրաստվի 2026թ-ի ընտրություններին։ Այդ դեպքում հնարավոր է ԱԺ-ում խմբակցություն ունենա, եթե չկարողանա համոզել, դա էլ չի լինելու։
-Պարո՛ն Աղազարյան, բայց այսօր իշխանությունից դժգոհություններն էլ բավականին մեծ են՝թե՛ արտաքին քաղաքական մասով, թե՛ սոցիալական։ Հնարավո՞ր է այս անգամ ընդդիմությունը կարողանա կոնսոլիդացնել հանրության այդ դժգոհ զանգվածին։
-Իհարկե, դժգոհություններ կան, բայց այդ ուժերը չեն կարողանա կոնսոլիդացնել մարդկանց, միգուցե այլ ուժեր կարողանան։
Մանրամասները՝ սկզբնաղբյուրում։
