Թուրքիայում արգելափակվել է ինստագրամը
Թուրքիայում ուրբաթ առավոտյան տեխնոլոգիաների և կապի խորհրդի որոշմամբ արգելափակվել է Instagram սոցիալական ցանցի մուտքը: Արգելափակման պատճառներն ու տևողությունը գերատեսչության կայքում նշված չեն:
Birgün թերթը չի բացառում, որ նման որոշում է կայացվել Իրանում ՀԱՄԱՍ-ի քաղբյուրոյի ղեկավար Իսմայիլ Հանիյեի սպանության առնչությամբ Instagram-ում ցավակցությունների արգելափակման հետ կապված։ Այս որոշումը դատապարտել է Թուրքիայի նախագահի աշխատակազմի հաղորդակցության բաժնի ղեկավար Ֆահրեթթին Ալթունը։
