Թուրքիայի միջնորդությամբ Ռուսաստանի և արևմտյան երկրների միջև տեղի է ունեցել կալանավորների փոխանակում
Անկարայի միջազգային օդանավակայանում Արևմուտքի և Ռուսաստանի միջև կալանավորների խոշորածավալ փոխանակում է տեղի ունեցել: Այս մասին գրում է Reuters գործակալությունը՝ հղում անելով Թուրքիայի նախագահի աշխատակազմին։
Աղբյուրի փոխանցմամբ՝ ընդհանուր առմամբ 26 մարդ է փոխանակվում։ Սա իր տեսակի մեջ ամենախոշոր փոխանակումն է Սառը պատերազմի ավարտից ի վեր:
Ըստ Թուրքական կողմի՝ Ռուսաստան կվերադառնա 2019-ին Բեռլինում նախկին չեչեն դաշտային հրամանատար Զելիմխան Խանգոշվիլիի սպանության համար գերմանական դատարանի կողմից ցմահ ազատազրկման դատապարտված Վադիմ Կրասիկովը։
Նշենք, որ Սպիտակ տունը հայտարարել է, որ լրագրող Ալսու Կուրմաշևան, քաղաքական գործիչ Կարա-Մուրզան փոխանակվողների թվում են:
