ՌԴ-ում վայրէջք է կատարել Ան-148-ը․ երկիրը նման ինքնաթիռներ է օգտագործում բանտարկյալների փոխանակման համար

Կալինինգրադում ժամը 8:35-ին (Երևանի ժամանակով 9։35) վայրէջք է կատարել ԱՆ-148-100Ե ինքնաթիռը՝ RA-61727 բորտային համարով, որը 2022 թվականի դեկտեմբերին օգտագործվել է ռուսաստանցի Վիկտոր Բուտին ամերիկացի բասկետբոլիստ Բրիթնի Գրայների հետ փոխանակելիս, հետևում է Flightradar24 ծառայության տվյալներից։

Այսօր ավելի վաղ Fox News-ը հայտնել էր, որ մեկ օրվա ընթացքում Ռուսաստանը և ԱՄՆ-ը կարող են փոխանակել բանտարկյալներին: Հեռուստաալիքի տվյալներով՝ Մոսկվան կփոխանցի Ռուսաստանում լրտեսության գործով դատապարտված Wall Street Journal-ի (WSJ) լրագրող Էվան Գերշկովիչին: Թե ում կփոխանցի Վաշինգտոնը Fox News-ը չի նշել։

Սլովենական N1 հեռուստաալիքը նախօրեին հայտնել էր նաև, որ Ռուսաստանի, Բելառուսի, Գերմանիայի և ԱՄՆ-ի միջև բանտարկյալների լայնածավալ փոխանակում պետք է տեղի ունենա առաջիկա ժամերին: Սլովենիան, ըստ N1-ի, արտաքսում է Ռուսաստանի օգտին լրտեսության համար դատապարտված երկու Լյուդվիգ Գիշին և Մարիա Ռոզա Մայեր Մունոսին (Արտյոմ Դուլցևա և Աննա Դուլցևա): Մոսկվան կարող է վերադարձնել ԱԴԾ նախկին աշխատակից Վադիմ Կրասիկովին, որը Գերմանիայում դատապարտվել է չեչենական ծագմամբ Վրաստանի քաղաքացի Զելիմխան Խանգոշվիլիի սպանության գործով: Բելառուսը, գրում Է հեռուստաալիքը, նույնպես կմասնակցի փոխանակմանը և կփոխանցի գերմանացի Ռիկո Կրիգերին, որը մեղադրվում էր ահաբեկչության մեջ և դատապարտվել գնդակահարության (հուլիսի 30-ին Ալեքսանդր Լուկաշենկոն ներում շնորհեց նրան):