Հանիեի դին հասցվել է Դոհա
Պաղեստինյան արմատական ՀԱՄԱՍ շարժման քաղբյուրոյի ղեկավար Իսմայիլ Հանիեի դին հասցվել է Դոհա, որտեղ ուրբաթ օրը տեղի կունենա նրա հուղարկավորությունը։ Այս մասին հայտնել է Al Jazeera հեռուստաալիքը։
Հինգշաբթի օրը Թեհրանում տեղի է ունեցել Հանիեի հրաժեշտի արարողությունը, որին մասնակցել է Իսլամական Հանրապետության գերագույն առաջնորդ Ալի Խամենեին։
ՀԱՄԱՍ-ի քաղբյուրոյի ղեկավարի դին կհուղարկավորեն Կատարի մայրաքաղաքի արվարձանում գտնվող գերեզմանատանը։
Հուլիսի 31-ին ՀԱՄԱՍ շարժումը հայտարարեց, որ Հանիեն սպանվել է Թեհրանում գտնվող նրա նստավայրին իսրայելական հարձակման հետևանքով։ Նա Թեհրան ժամանել էր Իրանի նախագահ Մասուդ Փեզեշքիանի երդմնակալության արարողությանը մասնակցելու համար։
