Գերշկովիչն ու Ուելանը լքում են Ռուսաստանը բանտարկյալների փոխանակման շրջանակներում. հայտարարել են ԱՄՆ-ում
The Wall Street Journal-ի լրագրող Էվան Գերշկովիչը և ԱՄՆ նախկին ծովային հետևակ Փոլ Ուելանը հեռանում են Ռուսաստանից՝ ԱՄՆ-ի հետ բանտարկյալների փոխանակման շրջանակներում: Այս մասին գրում Է Bloomberg-ը։
Գործակալության տվյալներով՝ ազատ արձակված ամերիկացիներն ուղևորվում են ՌԴ-ի սահմաններից դուրս:
Հուլիսի 31-ին Reuters-ը, հղում անելով իրավապաշտպաններին, գրել էր, որ Ռուսաստանի և արևմտյան երկրների միջև պատրաստվում է լայնածավալ գերիների փոխանակում։
Նույն օրը սլովենական N1 հեռուստաալիքը հաղորդել Է, որ Ռուսաստանի, ԱՄՆ-ի, Գերմանիայի և Բելառուսի միջև բանտարկյալների լայնածավալ փոխանակում կարող է տեղի ունենալ առաջիկա ժամերին: Հեռուստաալիքի տվյալներով՝ կփոխանակվեն ռուսաստանցիներ Արտյոմ և Աննա Դուլցևան, որոնք Սլովենիայում ապրել են արգենտինական անձնագրով և Լյուբլյանայի կողմից դատապարտվել են լրտեսության համար:
Բացի այդ, Fox News հեռուստաալիքը տեղեկացրել է, որ The Wall Street Journal-ի լրագրող Էվան Գերշկովիչը, որը Ռուսաստանում լրտեսության գործով դատապարտվել է 16 տարվա ազատազրկման, ԱՄՆ կվերադառնա օգոստոսի 1-ին՝ բանտարկյալների փոխանակման շրջանակներում:
Ավելի վաղ Կրեմլը հրաժարվել էր մեկնաբանել Գերշկովիչի և այլ բանտարկյալների փոխանակման թեման:
