Չորս երկրներ վրեժխնդրության հարված են պատրաստում Իսրայելին

Առաջիկա 72 ժամվա ընթացքում միանգամից մի քանի երկրներ համակարգված լայնածավալ հարված կհասցնեն Իսրայելին։ Այս մասին հայտնում է CNN- ը՝ վկայակոչելով Պենտագոնը։

Գործողությանը, որը պատասխան կլինի ՀԱՄԱՍ-ի քաղբյուրոյի ղեկավար Իսմայիլ Հանիայի սպանությանը, կմասնակցեն Իրանը, Եմենը, Լիբանանը և Սիրիան:

Ավելի վաղ Իրանի նախագահ Մասուդ Պեզեշքիանը խոստացել էր պատժել բոլոր նրանց, ովքեր մասնակից են Հանիայի մահվանը:

«Իրանի Իսլամական Հանրապետությունը կստիպի օկուպանտ ահաբեկիչներին զղջալ իրենց վախկոտ գործողությունների համար», - հայտարարել էր քաղաքական գործիչը:

Միևնույն ժամանակ, ԵՄ-ի և ԱՄՆ-ի բարձրաստիճան դիվանագետները շտապ բանակցություններ են սկսել Մերձավոր Արևելքում՝ տարածաշրջանում լայնածավալ պատերազմից խուսափելու համար:

Հանիան զոհվել է հուլիսի 31-ի գիշերը ավիահարվածի հետևանքով։ Իրանի կարծիքով՝ նրա մահվանը ներգրավված է ամերիկյան հետախուզությունը։