Եգիպտոսը և Կատարը սպառնացել են ՀԱՄԱՍ-ի առաջնորդներին. The Wall Street Journal

Եգիպտոսը և Կատարը, ԱՄՆ նախագահ Ջո Բայդենի վարչակազմի հրահանգով, ճնշում են գործադրել ՀԱՄԱՍ-ի առաջնորդների վրա Իսրայելի հետ գործարք կնքելու համար, The Wall Street Journal-ին հայտնել են իր աղբյուրները:

Շարժման առաջնորդներին սպառնացել են ձերբակալել, ակտիվների սառեցում, պատժամիջոցներ և վտարում Դոհայում գտնվող իրենց ապաստանից:

Ինչպես գրում է թերթը, սա ցանկալիի հակառակ ազդեցությունն է ունեցել։ ՀԱՄԱՍ-ի առաջնորդները հայտարարել են, որ չեն համաձայնի գործարքին, որը չի համապատասխանում իրենց պայմաններին:

Հիշեցնենք, որ Կատարի արտաքին գործերի նախարարության խոսնակ Մաջիդ ալ-Անսարին այս շաբաթվա սկզբին ասել է, որ ՀԱՄԱՍ-ը միջնորդներին պատասխան չի տվել Գազայի հատվածում հրադադարի և պաղեստինցի գերիների հետ իսրայելցի պատանդների փոխանակման վերջին առաջարկին:

Մայիսի վերջին ԱՄՆ նախագահ Ջո Բայդենն էր հայտարարել խաղաղության համաձայնագրի նոր նախագծի մասին։ Սկզբում ՀԱՄԱՍ-ը դրական էր գնահատել նախաձեռնությունը, սակայն հետագայում շարժման քաղբյուրոյի անդամ Ուսամա Համդանն ասել էր, որ նախագիծը չի նախատեսում իսրայելական զորքերի դուրսբերում։