![Զելենսկին՝ Խարկովի մարզում տիրող իրավիճակի մասին](https://auroranews.am/storage/img/base_image/2024-05-16/6645dea7d5f1a.webp)
Զելենսկին՝ Խարկովի մարզում տիրող իրավիճակի մասին
![Զելենսկին՝ Խարկովի մարզում տիրող իրավիճակի մասին](https://auroranews.am/storage/img/base_image/2024-05-16/6645dea7d5f1a.webp)
Ուկրաինայի նախագահ Վլադիմիր Զելենսկին Խարկովում գերագույն գլխավոր հրամանատարի շտաբի նիստ է անցկացրել, որի ընթացքում զինվորականների հետ քննարկել Է Խարկովի մարզում տիրող իրավիճակը: Այս մասին Ուկրաինայի առաջնորդը գրել է Telegram-ի իր ալիքում։
Զելենսկու խոսքով՝ ինքը լսել է Ուկրաինայի Զինված ուժերի գլխավոր հրամանատար Ալեքսանդր Սիրսկու և այլ զորահրամանատարների զեկույցը։
«Մանրամասն վերլուծել ենք մարտական իրավիճակի հեռանկարները, սպառնալիքներն առաջիկա օրերին և շաբաթներին», - նշել է գերագույն գլխավոր հրամանատարը:
Զելենսկու խոսքով՝ այսօրվա դրությամբ Խարկովի մարզում իրավիճակը «ընդհանուր առմամբ վերահսկելի է», սակայն Խարկովի «ուղղությունը մնում է չափազանց բարդ»։
Մայիսի 16-ին ՌԴ Հանրային պալատին կից նոր տարածաշրջանների ինտեգրման համակարգող խորհրդի համանախագահ Վլադիմիր Ռոգովը հայտարարել է, որ ռուսական բանակը հարձակում է իրականացնում Խարկովի մարզում՝ «սանիտարական գոտի» ստեղծելու և Ուկրաինայի զինված ուժերը Բելգորոդի մարզի սահմաններից հետ մղելու համար:
Մայիսի 15-ին Զելենսկին Խարկովի մարզում ռուսական հարձակման ֆոնին հանձնարարեց հետաձգել իր մասնակցությամբ բոլոր միջազգային միջոցառումները։ Նույն օրը Ուկրաինայի զինված ուժերի գլխավոր շտաբը հայտնել է, որ ուկրաինական զորքերը «մանևր են կատարել» և Խարկովի մարզի Վոլչանսկի և Լուկյանցիների շրջաններում նահանջել են «ավելի շահավետ դիրքեր»: