ՏԵՍԱՆՅՈՒԹ․ Ես աջակցում եմ ճշմարտությանը, դուք ու՞մ եք աջակցում․ Սրբազանը՝ ոստիկանության պետի տեղակալին
Առավոտյան ՀՀ փոխոստիկանապետը տարածքի ոստիկանության հետ մոտեցել է բողոքի ցույցի մասնակիցմերին զգուշացրել, որ հանրապետության նշանակության մայրուղին փակելը հասարակական կարգի խախտում է։
Բանակցությունները բնակիչների հետ սկսվել են առսվոտյան մոտ 9:15-ին։ Ցուցարարներին միացած Տավուշի թեմի առաջնորդ Բագրատ Սրբազանը ոստիկանությանն ասաց, որ համայնքի բնակիչները ՀՀ քաղաքցիներ են, նրանց ստել են երկրի իշխանություններն ասելով, որ երկրի սահմանն անցնում է Կիրանց գյուղի միջով , իսկ դա ՀՀ օրենսդրության, սահմանադրության խախտում է և ոստիկանության գործը նման ստեր ասողներին ձերբակալելն է։
Հիշեցնենք, որ Տավուշի մարզի բնակիչները փակել են Երեւան-Նոյեմբերյան ճանապարհը՝ բողոքելով Հայաստանի եւ Ադրբեջանի պետական սահմանի սահմանազատման հանձնաժողովների համատեղ որոշման դեմ, ըստ որի՝ «նախնական համաձայնեցվել են Հայաստանի Բաղանիս, Ադրբեջանի Բաղանիս-Այրում, Հայաստանի Ոսկեպար, Ադրբեջանի Աշաղը Ասկիպարա, Հայաստանի Կիրանց, Ադրբեջանի Խեյրեմլի, Հայաստանի Բերքաբեր, Ադրբեջանի Կըզըլ Հաջիլի գյուղերի միջեւ սահմանային գծի հատվածներում սահմանի անցումը»:
