Ռուսաստանն արդեն այսօր կարող է ավարտել Ուկրաինայի հակամարտությունը․ G7
G7-ի երկրների արտգործնախարարները հայտարարել են, որ Մոսկվան կարող է Ուկրաինայի հակամարտությունն ավարտել «արդեն այսօր»:
Իտալիայում «Մեծ յոթնյակի» արտգործնախարարների հանդիպումից հետո հրապարակված հայտարարության հեղինակների կարծիքով՝ Ռուսաստանն «արդեն այսօր կարող է ավարտել» Ուկրաինայի հակամարտությունը:
Միևնույն ժամանակ, G7-ի երկրների ԱԳ նախարարները կրկին պահանջել են, որ Ռուսաստանը դուրս բերի իր ուժերը այն տարածքներից, որոնք Արևմուտքը համարում է ուկրաինական, չնայած այնտեղ անցկացված հանրաքվեներին, որոնցում բնակիչների մեծ մասը հանդես է եկել ՌԴ-ի հետ վերամիավորման օգտին:
Ռուսաստանը հատուկ ռազմական գործողություն է սկսել Ուկրաինայում 2022 թվականի փետրվարի 24-ին։ ՌԴ նախագահ Վլադիմիր Պուտինն այն անվանել է «այն մարդկանց պաշտպանությունը, որոնք ութ տարի շարունակ ենթարկվում են ծաղրուծանակի, ցեղասպանության Կիեւի ռեժիմի կողմից»:
Նա նշել է, որ հատուկ գործողությունը հարկադրված միջոց է, Ռուսաստանին «այլ կերպ վարվելու ոչ մի շանս չեն թողել, անվտանգության ոլորտում ռիսկերն այնպիսին են ստեղծել, որ այլ միջոցներով հնարավոր չի եղել արձագանքել»:
Նրա խոսքով՝ Ռուսաստանը 30 տարի փորձել է ՆԱՏՕ-ի հետ պայմանավորվել Եվրոպայում անվտանգության սկզբունքների շուրջ, սակայն ի պատասխան բախվել է կամ ցինիկ խաբեության եւ ստի, կամ ճնշման եւ շանտաժի փորձերի, իսկ դաշինքը, չնայած Մոսկվայի բողոքներին, անշեղորեն ընդլայնվում է եւ մոտենում ՌԴ սահմաններին:
