Ադրբեջանը և Թուրքիան կստանան նվեր՝ Տավուշի ամենակարևոր 4 կետերը․ Վանաձորը վերածվում է սահմանային գոտու. Թուրքագետ

Թուրքագետ Վարուժան Գեղամյանը Տավուշում սահմանների հարցի շուրջ հայկական ու ադրբեջանական կողմերի նախնական պայմանավորվածության կապակցությամբ գրել է․

«Մինչև մայիսի 15-ը Ադրբեջանը և Թուրքիան կստանան նվեր՝ Տավուշի ամենակարևոր 4 կետերը, որով Հայաստանի պաշտպանական համակարգը կփլուզվի: Այս մասին արդեն հայտարարել է Հայաստանի դե-ֆակտո իշխանությունը:

Սա, օրինակ, նշանակում է, որ Վանաձոր քաղաքը վերածվում է սահմանային գոտու, իսկ Հայաստանի գլխավոր գազատար խողովակը այսուհետ կվերահսկեն թուրքերը:

Ադրբեջանը փաստացի ստիպել է, որ մեր բանակը այլևս չպահի սահմանը, այլ միայն սահմանապահները: Սա շատ վատ է, որովհետև ի տարբերություն մեր սահմանապահ ուժերի` Ադրբեջանի սահմանապահ զորքերը, ըստ էության, բանակային լիարժեք մարտական ստորաբաժանում է, ոչ թե ուղղակի պահնորդ»: