Իսրայելի դեմ գործողությունից առաջ և հետո Իրանը ԱՄՆ-ին հաղորդագրություններ է ուղարկվել
Իսրայելի դեմ «Ճշմարիտ խոստում» գործողությունից առաջ և հետո ամերիկյան կողմին հաղորդագրություններ են ուղարկվել: Այս մասին հայտարարել է Իրանի արտաքին գործերի նախարար Հոսեյն Ամիր Աբդոլլահիանը:
ԻՌՆԱ-ի թղթակիցը հարցրել է. «Այն բանից հետո, երբ Իրանն իրականացրել է «Ճշմարիտ խոստում» գործողությունը՝ ի պատասխան Իսրայելի գործողությունների, եղե՞լ է արդյոք որևէ հատուկ հաղորդագրություն ԱՄՆ-ից և քանի՞ հարղորդագրության փոխանակում է եղել Իրանի և ԱՄՆ-ի միջև այն ժամանակ, երբ Իրանը ցանկանում էր պատասխանել Իսրայելին»:
Իրանի ԱԳ նախարարը պատասխանել է այս հարցին՝ ասելով. «Մենք ամերիկացիներին պարզ և բացահայտ հայտնել ենք, որ Իրանի Իսլամական Հանրապետության Ազգային անվտանգության բարձրագույն խորհրդի՝ Իսրայելին պատասխանելու որոշումը վերջնական է: Հաղորդագրություններ են փոխանակվել գործողությունից առաջ, ինչպես նաև «Ճշմարիտ խոստումը» գործողության ավարտից հետո:
Այս երկուշաբթի մոտավորապես ժամը 2:30-ին մենք դիվանագիտական ուղիներով ևս մեկ ուղերձ հղեցինք Միացյալ Նահանգներին և այդ հաղորդագրություններում փորձեցինք Ամերիկային հստակ և բացահայտ ասել, որ մենք չենք ձգտում մեծացնել լարվածությունը տարածաշրջանում: Այն, ինչ կարող է մեծացնել լարվածությունը տարածաշրջանում, Իսրայելի ռեժիմի գործողություններն են»:
