Նեթանյահուն հայտնել է` Իսրայելն ինչպես կպատասխանի Իրանին

Իսրայելը Իրանի հարձակմանը կպատասխանի «խելամտությամբ, ոչ թե զգացմունքներով»: Այս մասին հայտարարել է Իսրայելի նախագահ Բենյամին Նեթանյահուն իշխող «Լիկուդ» կուսակցության գործընկերներին: 

«Մենք կպատասխանենք Իրանին, բայց մենք պետք է խելամտորեն գործենք և չգործենք զգացմունքների վրա: Նրանք պետք է սթրեսի ենթարկվեն այնպես, ինչպես ստիպեցին մեզ սթրեսի ենթարկվել», - Նեթանյահուի խոսքը մեջբերում է Kan պետական ռադիոկայանը: 

Kan-ի տեղեկություններով ՝ Նեթանյահուն կուսակիցներին ասել է, որ Իսրայելի պատասխանը պետք է համակարգվի ԱՄՆ-ի հետ: 

Հեռուստաընկերությունը հավելում է, որ Իսրայելը պարտավորվել է նախապես ծանուցել ԱՄՆ-ին, որպեսզի խուսափի այնպիսի իրավիճակից, որում ամերիկյան զորքերը վտանգի տակ կհայտնվեն նախնական նախապատրաստման բացակայության պատճառով: Ռադիոկայանի աղբյուրը հայտնել է, որ Վաշինգտոնն այս պահանջն է ներկայացրել այն պատճառով, որ Իսրայելը հարձակվել է Դամասկոսում Իրանի հյուպատոսության վրա՝ առանց այդ մասին ամերիկյան կողմին տեղյակ պահելու։