Ատոմային էներգիայի միջազգային գործակալության գլխավոր տնօրենը ծրագրում է այցելել Իրան

ՄԱԳԱՏԷ-ի գլխավոր տնօրեն Ռաֆայել Գրոսսին հայտարարել է, որ ծրագրում է առաջիկա շաբաթներին այցելել Իրան՝ Թեհրանի հետ գործակալության համագործակցության մակարդակը բարելավելու նպատակով:

«Ես կապեր եմ հաստատում Իրանի կառավարության հետ: Հուսով եմ, որ առաջիկա մի քանի շաբաթվա ընթացքում կվերադառնամ Թեհրան, որպեսզի փորձեմ իրավիճակը կարգավորել»,- լրագրողներին ասել է Գրոսին:

Վերջինս հույս է հայտնել, որ կկարողանա իրավիճակը բարելավել համագործակցության մակարդակի բարձրացման առումով։