Ուկրաինայում սկսել են արգելափակել TikTok ալիքները

Ուկրաինայի Ազգային անվտանգության և պաշտպանության խորհրդի ապատեղեկատվության հակազդման կենտրոնը երկուշաբթի օրը հայտարարել է, որ սկսում է արգելափակել TikTok-ի մի շարք ալիքներ, որոնք, իրենց կարծիքով, «ռուսական քարոզչության տարածողներ են»:

«Ապատեղեկատվության դեմ պայքարի կենտրոնը պաշտոնական համագործակցություն է սկսել TikTok սոցիալական ցանցի ադմինիստրացիայի հետ՝ առցանց ռուսական քարոզչության տարածմանը հակազդելու համար»,- ասվում է ապատեղեկատվության դեմ պայքարի կենտրոնի Telegram ալիքում հրապարակված հաղորդագրության մեջ։

Կենտրոնն իր կայքում հրապարակել է 83 TikTok ալիքների ցուցակը։ Այն ներառում էր ria_novosti, simonyan.m, russian_rt, sputnik_news, sputnik.by, vesti.ru, tvrussia1, ntvru, nbaskov, fkirkorov, rosgaz, izvestia_ru:

«Ներկայումս կենտրոնը մի շարք գործողություններ է իրականացնում Ուկրաինայի տարածքում վերոնշյալ էջերը արգելափակելու ուղղությամբ»,- ասվում է հաղորդագրության մեջ։

RIA Novosti TikTok ալիքն այժմ ունի 2,1 միլիոն բաժանորդ, simonyan.m-ը՝ գրեթե 623 հազար, russian_rt՝ ավելի քան 305 հազար, sputnik_news՝ 71 հազար, sputnik.by՝ գրեթե 308 հազար, vesti.ru՝ ավելի քան 663 հազար։