Թուրքիան վերադարձրել է վիզային ռեժիմը Տաջիկստանի քաղաքացիների համար
Ռեջեփ Էրդողանի հրամանագրով Թուրքիան չեղարկել է առանց վիզայի ռեժիմը սովորական արտասահմանյան անձնագիր ունեցող Տաջիկստանի քաղաքացիների համար:
Դրանից առաջ ներքին գործերի նախարարությունը հաղորդագրություն էր տարածել օտարերկրյա քաղաքացիների զանգվածային ձերբակալությունների մասին, որոնք կասկածվում են «Իսլամական պետություն» կազմակերպության հետ կապերի համար:
Ավելի վաղ Մոսկվայի մարզի «Կրոկուս սիթի հոլ» համերգասրահում տեղի ունեցած ահաբեկչության գործով առնվազն 4 ձերբակալվածներ հայտնել էին, որ Մոսկվա են եկել Թուրքիայից:
Տաջիկստանը, ելնելով փոխադարձության սկզբունքից, քննարկում է Թուրքիայի քաղաքացիների համար վիզային ռեժիմ սահմանելու հարցը: Հայտարարել են Տաջիկստանի Հանրապետության արտաքին գործերի նախարարությունից:
