Նիդերլանդների արևելքում գտնվող Էդե քաղաքի սրճարանում պատանդներ են վերցվել, շենքում պահվող մարդկանց թվի մասին դեռ հայտնի չէ, հայտնում է Նիդեռլանդական հեռուստառադիոհեռարձակման կորպորացիան (NOS): Տեղեկությունը փոխանցում է ՌԻԱ Նովոստին:

Գործակալության տվյալներով՝ անհայտ անձինք մարդկանց պատանդ են վերցրել Էդե քաղաքի (Գելդերլանդ նահանգ) հայտնի սրճարանում: Գերեվարված մարդկանց թվի և հենց զավթիչների մասին դեռ հայտնի չէ։

Նշվում է, որ սրճարանի հարևանությամբ գտնվող 150 տների բնակիչները տարհանվել են: Դեպքի վայր են ժամանել ոստիկանության ջոկատները, հրշեջներն ու արտակարգ իրավիճակների ծառայությունները: