Դոմոդեդովո, Վնուկովո և Ժուկովսկի օդանավակայաններում՝ ժամանման և մեկնման սահմանափակումներ են մտցվել
Դոմոդեդովո, Վնուկովո և Ժուկովսկի օդանավակայաններում անվտանգության նկատառումներից ելնելով՝ ժամանման և մեկնման սահմանափակումներ են մտցվել:
«Զվարթնոց» օդանավակայանի պաշտոնական կայքից տեղեկանում ենք, որ դեպի Մոսկվա չվերթների ուշացումներ կամ չեղարկումներ չկան:
Ռուսաստանի պաշտպանության նախարարության հակաօդային պաշտպանության ուժերը Դոմոդեդովո քաղաքային շրջանում հետ են մղել դեպի Մոսկվա թռչող անօդաչուի գրոհը, հայտնել է ՌԴ մայրաքաղաքի քաղաքապետ Սերգեյ Սոբյանինը։
Ըստ նրա, բեկորների ընկնելու վայրում, նախնական տվյալներով, ավերածություններ կամ զոհեր չկան։
«Դեպքի վայրում աշխատում են շտապօգնության ծառայությունները»,- հավելել է նա։
Ավելի վաղ ՌԴ պաշտպանության նախարարությունը հայտնել էր երկրի ութ շրջաններում ուկրաինական 35 անօդաչուի վնասազերծման մասին։
