ՏԵՍԱՆՅՈՒԹ. «Նոր Նորք վարչական շրջանի ղեկավարն ասաց՝ հո սաղ Մասիվի խնդիրներն իմ խնդիրները չի»․ ակտիվիստ Էդուարդ Հայրումյան

«Սա Նոր Նորք վարչական շրջանի Ն. Ստեփանյան փողոցի մայթի մի հատվածն է, որը գտնվում է անմիջապես թիվ 135 հիմնական դպրոցի հարևանությամբ։ Մայթը վերջին անգամ ասֆալտապատվել էր տասնամյակներ առաջ ու մինչև մոտ 2014-2015 թվականն այն անցանելի էր, որից հետո կամաց-կամաց սկսվեց փակվել վերևից սողացող հողի ու ներքևից ավելացվող աղբի շերտով։

Ակտիվիստ Էդուարդ Հայրումյանը տեսանյութ է տարածել իր էջում: 

Վերջին 8 տարվա ընթացքում որևէ պաշտոնյա չի փորձել այն գոնե մաքրել, իսկ օրինակ 2 ամիս առաջ Մասիվի թաղապետի հետ հանդիպման ժամանակ, մայթը մաքրելու իմ խնդրանքն արհամարհել են։

Նոր Նորք վարչական շրջանի ղեկավարն ասաց՝ հո սաղ Մասիվի խնդիրներն իմ խնդիրները չի: Կարող ա տիկին Ժենիկն ընգնի, թեւը ջարդվի, ե՞ս տանեմ հիվանդանոց: Վարչական շրջանի կոմունալի պետն էլ, ասում է, որ վերահիշյալ տեղում բարեկարգամն աշխատանքների ծրագիր ունեն: 

Երևանի քաղաքապետարան, կխնդրեմ կազմակերպել մայթի լիիրավ մաքրումը ու աղբի տեղափոխումը»։

Ակտիվիստը նաեւ նշում է, որ ընդամենը 40 րոպե պահանջվեց մայթը մաքրելու համար: 

Մանրամասները՝ տեսանյութում