Պինգվինը ներխուժել է օդանավակայան և հետաձգել թռիչքը
Նոր Զելանդիայի օդանավակայանում թռիչքը հետաձգվել է այն բանից հետո, երբ պինգվինը վազել է թռիչքուղու վրա: Այս մասին գրում է UPI-ն։
Միջադեպը տեղի է ունեցել մայրաքաղաք Վելինգթոնում և խաթարել է միջազգային օդանավակայանի աշխատանքը։ Պինգվինը շտապել է ուղիղ թռիչքուղու վրա: Դա տեղի է ունեցել հենց այն ժամանակ, երբ Air Chathams-ի ինքնաթիռը պատրաստվելիս է եղել թռիչքի։ Օդանավակայանի աշխատակիցները շտապել են օդանավակայան և կարողացել են բռնել պինգվինին և տեղափոխել անվտանգ վայր:
Պարզվել է, որ անսպասելի այցելուն վեց շաբաթական կապույտ պինգվին կամ կորորա պինգվին է: Օդանավակայանի աշխատակիցներն այն նվիրել են Վելինգթոնի կենդանաբանական այգուն: Պինգվինը քաղցած է եղել և իր տարիքի համեմատ քիչ է կշռել: Նրանք պլանավորում են գիրացնել պինգվինին և բաց թողնել վայրի բնություն, երբ նա մի փոքր մեծանա:
