Իսրայելական բանակը գրոհել է Ուրիֆ գյուղի վրա, որը գտնվում է Հորդանան գետի արեւմտյան ափի Նաբլուս քաղաքից հարավ-արևմուտք։ Այս մասին հայտնել է Կատարի Al Jazeera հեռուստաալիքը։

Հեռուստաալիքի տվյալներով` բախումներ են տեղի ունեցել պաղեստինցիների և իսրայելցի զինվորականների միջև, որոնք ռեյդեր և ձերբակալություններ են իրականացնում Ուրիֆում։

Բացի այդ, բախումներ են գրանցվել Հորդանան գետի արեւմտյան ափի Ռամալլա քաղաքից արևմուտք գտնվող Բուդրուս գյուղում: