Թուրքիան հույս ունի, որ Հայաստանը կսեղմի իրեն պարզած խաղաղության ձեռքը. երկրի ՊՆ պաշտոնյա

Թուրքիայի պաշտպանության նախարարության կողմից կազմակերպված հերթական մամուլի ասուլիսի ժամանակ Պաշտպանության նախարարության մամուլի և հասարակայնության հետ կապերի բաժնի պատասխանատու Զեքի Աքթյուրքը խոսել է նաև Կովկասում խաղաղությունից։

Թուրքական T24-ի փոխանցմամբ Թուրքիայի պաշտպանության նախարարության պաշտոնյան նշել է, թե Թուրքիան հույս ունի, որ Հայաստանը կսեղմի իրեն պարզած խաղաղության ձեռքը և Կովկասի տարածաշրջանը խաղաղության մեջ վստահ քայլերով կշարժվի դեպի ապագա։

Զեքի Աքթյուրքը շեշտել է, որ Թուրքիան շարունակելու է աջակցել Ադրբեջանին բոլոր ոլորտներում։