Լեհաստանում առանց թույլտվության հնարավոր չի լինելու տեսանկարահանել և լուսանկարահանել

Լեհաստանի Սեյմն ընդունել է «Հայրենիքի պաշտպանության մասին» օրենքում փոփոխություն, ըստ որի այսուհետ առանց թույլտվության հնարավոր չի լինելու տեսանկարահանել և լուսանկարահանել մի շարք օբեկտներ: Այս մասին հայտնում է INN Poland հրատարակությունը։

Լեհական լրատվամիջոցները հայտնում են, որ եթե դուք խստորեն հետևում եք օրենքի տառին, ապա «երկրի կեսը» ընկնում է այդ արգելքի տակ։ Մասնավորապես, ձեզ կարող են պատժել ծովափին (հաճախ այնտեղ տեղակայված են հատուկ ռազմական ռադարներ), կամրջի վրա կամ օդանավակայանում սելֆի անելիս, որոնք ինքնին համարվում են կարևոր ենթակառուցվածքներ։ 

Նշվում է, որ նոր օրենքը վերականգնում է լրտեսության դեմ պայքարին ուղղված որոշ դրույթներ, որոնք ուժը կորցրած են ճանաչվել դեռեւս 1999 թվականին։