Իսրայելը հրթիռակոծության է ենթարկել Հալեպի օդանավակայանը․ այն շարքից դուրս է եկել

Իսրայելի ռազմաօդային ուժերը հրթիռային հարված են հասցրել Հալեպի միջազգային օդանավակայանին, ինչի հետևանքով օդանավակայանը շարքից դուրս է եկել: Այս մասին տեղեկանում ենք ՏԱՍՍ գործակալությունից, որը հղում է կատարում SANA գործակալությունը։

«Իսրայելցի հակառակորդը Սիրիայի դեմ նոր ագրեսիվ գործողություն է իրականացրել և ժամը 04։30-ին հրթիռային հարված հասցրել Հալեպի միջազգային օդանավակայանին։ Արդյունքում վնասվել է թռիչքուղին և նյութական վնաս է պատճառվել»,–ասված է հայտարարության մեջ։

Գերատեսչությունից պարզաբանել են, որ հարվածը հասցվել է Միջերկրական ծովի կողմից։ Նշվում է, որ սա արդեն Իսրայելի 22-րդ հարվածն է սիրիական տարածքին այս տարվա սկզբից ի վեր։

Հավելենք, որ Հալեպի օդանավակայանն այս տարի երկու անգամ փակվել է Իսրայելի օդային հարվածների պատճառով։