Էստոնիայի վարչապետը ներողություն է խնդրել ամուսնու ռուսական բիզնեսի համար

Էստոնիայի վարչապետ Կայա Կալլասը ներողություն է խնդրել այն բանի համար, որ իր ամուսնու ընկերությունը պատերազմի ժամանակ շարունակել է գործել Ռուսաստանում։ 

«Ես, անշուշտ, ներողություն եմ խնդրում բոլոր նրանցից, ովքեր տուժել են այդ պատճառով, բայց ես պատասխանատու եմ իմ տված բարոյական գնահատականների համար։  Ես դեռ կարծում եմ, որ բարոյական տեսանկյունից սխալ է գործել Ռուսաստանում կամ հարաբերություններ պահպանել Ռուսաստանի հետ այն իրավիճակում, երբ լայնամասշտաբ պատերազմ է ընթանում։  Սա պետք է դադարեցվի, և ես կոչ եմ անում էստոնական բոլոր բիզնեսներին դա անել»,- ասել է քաղաքական գործիչը: 

Կալլասը նաև նշել է, որ չի պատրաստվում ինքնակամ հրաժարական տալ՝ առաջարկելով, որ ընդդիմությունը փորձի իր նկատմամբ անվստահություն հայտնել։