Ուկրաինայի անվտանգության ծառայության հակահետախուզությունն օգոստոսի 27-ի գիշերը հարձակվել է Ռուսաստանի Կուրսկի օդանավակայանի վրա։ Այնտեղ տեղակայված են ՌԴ օդանավեր ու ՀՕՊ համակարգեր։ Այս մասին գրել է РБК Украина-ն՝ հղում անելով Ուկրաինայի անվտանգության ծառայության աղբյուրներին։

Աղբյուրները հայտնել են, որ կամիկաձե անօդաչու սարքերն աշխատել են չորս Սու-30 և մեկ ՄիԳ-29-ի ինքնաթիռների վրա։ Խոցված թիրախների թվում են նաև С-300 համալիրի ռադարները և երկու «Պանցիր»։

Ըստ լրատվամիջոցի՝ հակահետախուզության գրեթե բոլոր անօդաչու թռչող սարքերը հասել են իրենց թիրախներին, ըստ նախնական տեղեկությունների՝ դրանցից միայն երեքն են խոցվել ռուսական հակաօդային պաշտպանության կողմից։

«Դատելով այն հանգամանքից, որ նույնիսկ ռուսներն իրենք են արձանագրել առնվազն 13 պայթյուն, «բավովնան» (ռազմական օպերացիա) տպավորիչ է ստացվել: Խոցումների ստույգ հետևանքներն ու զոհերի և վիրավորների թիվը կիմանանք մոտ ապագայում»,- հավելել են ծառայությունում։

Նշվում է, որ օպերացիան իրականացրել են 13-րդ գլխավոր վարչության ռազմական հակահետախուզության աշխատակիցները։