ՏԵՍԱՆՅՈՒԹ․ Ավստրալիայի ափերի մոտ ամերիկյան ռազմական ուղղաթիռ է վթարի ենթարկվել
Ավստրալիայի ափերի մոտ զորավարժությունների ժամանակ վթարի է ենթարկվել V-22 Osprey ռազմական ուղղաթիռը, որում եղել են ԱՄՆ ծովային հետևակայինները։ Այս մասին տեղեկանում ենք ՌԻԱ Նովոստիից, որը հղում է կատարում տեղի լրատվամիջոցներին։
«Տեղական ժամանակով ժամը 11:00-ի սահմաններում Osprey ուղղաթիռ է կործանվել Մելվիլ կղզու մոտ՝ Predators Run զորավարժությունների ժամանակ, որին մասնակցում են անձնակազմեր Ավստրալիայից, ԱՄՆ-ից, Ինդոնեզիայից, Ֆիլիպիններից և Արևելյան Թիմորից»,- ասվում է հրապարակման մեջ։
Նշվում է, որ տեղի հեռուստաալիքը հայտնել է, որ ինքնաթիռում եղել է մոտ քսան ամերիկացի զինվորական։ Վթարի հետևանքով կարող են լինել զոհեր։ Անձնակազմի անդամները հայտարարվել են անհետ կորած։
