ԼՈՒՍԱՆԿԱՐՆԵՐ․ Անօդաչու թռչող սարքը մխրճվել է բազմաբնակարան շենքի մեջ․ ՌԴ Կուրսկ

ՌԴ Կուրսկում անօդաչու թռչող սարքը մխրճվել է բազմաբնակարան շենքի մեջ: Այս մասին իր Telegram ալիքում հայտնել է մարզպետ Ռոման Ստարովոյտն։

«Նախնական տեղեկությունների համաձայն՝ գիշերը Կուրսկում անօդաչու սարքը բախվել է Կարլ Մարքսի փողոցում գտնվող բազմաբնակարան շենքին։ Որոշ հարկերում ապակիներ են կոտրվել։ Պայթյունի ալիքից տուժել են նաև Կուրսկի պետական համալսարանի ճարտարագիտական ֆակուլտետի մասնաշենքի մի քանի ապակիներ», - գրել է տարածաշրջանի ղեկավարը։

Ստարովոյտը պարզաբանել է, որ ոչ ոք չի տուժել, հրդեհ չկա: Պայթյունի վայրում աշխատում են օպերատիվ ծառայությունները։

Մարզպետը խոստացել է օգնել վերականգնել տուժած գույքը:

Նշենք, որ այս գիշեր Ռուսաստանի Բրյանսկի և Կուրսկի շրջանները ենթարկվել են ԱԹՍ-ների հարձակման։ Այս մասին հայտնել են ՌԴ պաշտպանության նախարարությունից՝ նշելով դրանց ոչնչացման մասին։

[f58407dd71b7f1f211359d5da57cea7d.jpg]

[87ca01ca8adc4fc4fcfc12fa9cd87ace.jpg]

[7d8e1a6179d991000c60770c8b7b07dc.jpg]

[e24c909be4898d62b30318c60c07a95f.jpg]

[1e80e6b77cfa19222dc95fde55addfe6.jpg]