«Մենք այս ամենի հետ կապ չունենք»․ Զելենսկին՝ Պրիգոժինի մահվան մասին
Ուկրաինան կապ չունի Ռուսաստանում «Վագներ»-ի առաջնորդ Եվգենի Պրիգոժինի մահվան հետ։ Այս մասին հայտարարել է Ուկրաինայի նախագահ Վլադիմիր Զելենսկին։
Նրա խոսքերով, որը մեջբերել է «Интерфакс Украина»-ն, բոլորը գիտեն, թե ով է առնչություն ունեցել Պրիգոժինի մահվան մեջ:
«Մենք այս ամենի հետ կապ չունենք: Բոլորը հասկանում են, թե ով կապ ունի դրա հետ»,- ասել է նախագահը։
Հիշեցնենք, որ «Վագների» հիմնադիր Եվգենի Պրիգոժինին պատկանող բիզնես-ջեթը կործանվել է Տվերի մարզի Կուժենկինո գյուղի մոտակայքում օգոստոսի 23-ի երեկոյան։ Այն ուղևորվում էր Մոսկվայից Սանկտ Պետերբուրգ։ Քննվում են ինքնաթիռի կործանման տարբեր վարկածներ։
