ԼՈՒՍԱՆԿԱՐ․ Միտումնավոր վնասել են գետնանցումում հարմարեցված վերելակը
Միտումնավոր համայնքային գույքը վնասելը պատասխանատվություն է ենթադրում: Այս մասին հայտնում է Երևանի քաղաքապետարանի Շինարարության և բարեկարգման վարչության պետ Խորեն Գրիգորյանը։
«Փակ շուկայի հարակից գետնանցումում կահավորված վերելակը միտումնավոր վնասել, ռելսերից քաշել հանել են: Քանի որ հարակից տարածքում առկա են տեսախցիկներ, վստահաբար տեսանյութը վերցնելու ենք և հանձնենք իրավապահ մարմիններին»,- գրել է նա:
Հիշեցնենք՝ ավելի վաղ հայտնել էինք, որ «Փակ շուկայի» դիմացի գետնանցումն արդեն հարմարեցված է հենաշարժողական խնդիրներ ունեցող անձանց համար:
