Չեխիան նոր ուղղաթիռներ է ստանում Ամերիկայի Միացյալ Նահանգներից և շահագործումից հանում հին Mi-24V-երը՝ նախատեսելով դրանք հանձնել Ուկրաինային, ասել է Չեխիայի պաշտպանության նախարար Յանա Չեռնոխովան։ 

Նրա խոսքով, Մի-24V/35 ուղղաթիռները գերազանց աշխատանք են կատարել, թեև սպասվածից երկար են ծառայել։ ԱՄՆ-ից Չեխիան կստանա UH-1Y Venom և AH-1Z Viper ուղղաթիռներ։ 

«Եթե նույնիսկ այսօր խորհրդանշական կերպով հրաժեշտ տանք նրանց, նրանց պատմությունը հաստատ չի ավարտվի, մենք անպայման կիրառություն կգտնենք այդ ուղղաթիռների համար: 
Նախարարը չի նշել, թե քանի ուղղաթիռի մասին է խոսքը։ Նա պարզաբանել է, որ Չեխիան նաև կարիք ունի պահեստամասերի՝ Mi շարքի ուղղաթիռների համար։ Դրանք պատժամիջոցային ցուցակներում են, ուստի դրանք ձեռք բերելն այնքան էլ հեշտ չէ։