Ցուկերբերգը հրաժարվել է մենամարտել Կոլիզեումում. Մասկ
Ամերիկացի միլիարդատեր, գործարար, Tesla, SpaceX և Х (նախկին Twitter) ընկերությունների ղեկավար Իլոն Մասկը X-ի (նախկին Twitter) իր միկրոբլոգում հայտնել է, որ Meta ընկերության ղեկավար Մարկ Ցուկերբերգը հրաժարվել է մենամարտել Հռոմի Կոլիզեումում։
«Մենամարտի համառոտ նկարագրությունը. ես X-ում կատակեցի Ցուկի (Ցուկերբերգի մականունը - խմբ.) հետ մենամարտի մասին, Ցուկը պատասխանեց. «Ուղարկիր ինձ վայրը»։ Իտալիան սիրով առաջարկեց Կոլիզեումումը, Ցուկը մերժեց», - գրել է Մասկը:
Նա նաև հավելել է, որ Կոլիզեումում մենամարտելու առաջարկից Ցուկերբերգի հրաժարվելուց հետո ինքն առաջարկել է գնալ Meta-ի ղեկավարի տուն որպես «ապահով վայր», ինչին Ցուկերբերգը պատասխանել է, որ «ճանապարհորդում է»։
«Կա՞ առհասարակ մի տեղ, որտեղ նա կմենամարտի», - գրել է Մասկը։
Հիշեցնենք, որ աշխարհի ամենահայտնի միլիարդատերերից երկուսը` Tesla, SpaceX, Twitter ընկերությունների 52-ամյա ղեկավար Իլոն Մասկը և Meta-ի 39-ամյա ղեկավար Մարկ Ցուկերբերգը, պայմանավորվել են մենամարտել իրար դեմ:
